جنډر او بشري حقونه پیاوړي کول

 د ښځو په وړاندې د تاوتریخوالي له منځه وړل د ايوپول یوه ځانګړې موخه ده. ایوپول د کورنیو ستونزو د حل د مرکز څخه ملاتړ کوي او د روغتیایي کارکوونکو او څارنوالانو تر منځ اړیکه پیاوړي کوي. ایوپول د ښځینه پولیسو لپاره د مرستندویه ټلیفوني کرښې څخه ملاتړ کوي. همدا رنګه ایوپول د داخلي کارکوونکو سره د پولیسو د شکایتونو د اوریدنې د مرکز په جوړولو کې او د پولیسو په اکاډمۍ کې د جنډر او بشري حقونو د مرکز په جوړولو کې، هڅې کړیدي. 

د فساد په وړاندې د مبارزې څخه ملاتړ

ايوپول هڅه کوي چې د فساد په وړاندې د مبارزې پولیس څیړونکو او څارنوالانو تر منځ اړیکه پیاوړې کړي تر څو د پولیسو د فساد قضیې تعقیب او څارنې ته ولیږدول شي. ایوپول د کورنیو چارو د وزارت او لویې څارنوالۍ د کارکوونکو څخه د څیړنو د وړتیا لوړولو په موخه، د اغيزه ناکه، او اعتباري کارکوونکو په روزنه کې، ملاتړ کوي.    

د ولسي پولیسو خدمتونه

د کابل ښار په دریمې امنیتې حوزې کې د یوې کامیابې ازمایښتي پروژې وروسته، ايوپول مرسته کوي چې د ولسي پولیسو خدمتونه د هیواد په نورو برخو کې لکه  مزارشریف، هرات او د کابل په نورو امنیتي حوزو کې هم معرفي کړي. د دغه پروژې کار چې د اروپایي ټولنې، GIZ او انګلستان هیواد په مالي مرسته تر سره کیږي، ایوپول مرسته کوي چې په نورو امنیتي حوزو کې د روزنې، سلا ورکولو، نظارت کولو او تجهیزولو له لارې د لا نورو اغيزه ناکو ولسي پولیسو په جوړولوکې، اصلاحات راولي. په کابل کې دریمه امنیتي حوزه ډیر مسلکي فعالیتونه لري. ایوپول هڅه کوي چې د افغان ملي پولیس - پولیسي خدمتونو ته وهڅوي.   

د پوليسو او څارنوالانو ترمنځ همغږي

ایوپول هڅه کوي چې د پولیسو او څارنوالانو تر منځ په څیړنو کې همغږي او همکاري لاغښتلې کړي. یوه موخه دا ده چې د افغانستان د عدلي سیسټم په اړه د عامه خلکو اعتماد تر لاسه شي. د افغانانو په مشرۍ د پولیسو او څارنوالانو تر منځ د همکارۍ یو لارښود ولیکل شو، چې په CoPP یا د پولیس او څارنوال تر منځ د همکارۍ په کورسونو کې استفاده ځینې کیږي. دغه کورسونو ته تر ۱۰۰۰ ډیر سیمه ییز پولیس او څارنوالان په کابل، مزارشریف او هرات کې په پام کې نیول شوي.    

سټاف کالج

د افغانستان د ملي پولیسو لوړپوړي مشران د پولیسو په سټاف کالج کې روزل کیږي. د ۲۰۱۱ کال د جولای د میاشتې راپدیخوا کله چې سټاف کالج په کار پیل وکړ، کابو ۴۰۰۰ زده کوونکو د ۳۰ کورسونو څخه په یوه کې حتمي ګډون کړیدی – چې د شخړو د اداره کولو څخه نیولې د رسنیو سره د اړیکو پورې - او داسې نور کورسونه پکښي شامل دي. د نوي سټاف کالج د بنسټ ډبره د ۲۰۱۱ کال د نومبر په میاشت کې کښیښودل شوه، او په ۲۰۱۴ کې بشپړه شوه.